Popular Posts!

Monday, October 20, 2014

ဘယ်အိမ်ဝယ်မလဲ ဘယ်နေရာနေမလဲ

ဘယ်အိမ်ဝယ်မလဲ ဘယ်နေရာနေမလဲ

Written by  ဇေယျာချမ်းအေး၊ မင်းအောင်ခိုင်

သိန်းပေါင်း သောင်းချီတန်တဲ့ ကွန်ဒိုတိုက်ခန်း ကြော်ငြာတွေကို သတင်းစာ၊ ဂျာနယ်တွေမှာ ခပ်စိပ်စိပ်တွေ့လာရပါတယ်။ နောက်ပြီး အိမ်ခြံမြေပွဲစားတွေရဲ့ မြို့သစ် မြေကွက်ဈေးကောင်းပေးဝယ်မယ်ဆိုတဲ့ ကြော်ငြာဖြတ်ပိုင်းတွေကို အများအပြားတွေ့လာရပါတယ်။ မြို့သစ်၊ မြို့စွန်၊ မြို့လယ်က မြေကွက်တွေနဲ့ နာမည်ကျော် ကွန်ဒိုအခန်းတွေရဲ့ဈေးနှုန်း၊ နိုင်ငံတော်က အိမ်ခြံမြေအရောင်းအဝယ်အတွက် ကောက်ခံနေဲတဲ့အခွန်စနစ်၊ ဘယ်လိုလူတန်းစားမျိုးတွေက ဘယ်လိုနေရာတွေမှာ ဘယ်လိုနေထိုင်ကြသလဲဆိုတာကို သည်တစ်ပတ်မှာ မဇ္ဈိမက ချဉ်းကပ်ကြည့်မှာဖြစ်ပါတယ်။
Apartment-Fluctuate
Condo မှသည် Residence ဆီသို့
ယခုလပိုင်းအတွင်းမှာပဲ ကွန်ဒိုတိုက်ခန်းကြော်ငြာတွေဟာ သတင်းစာ၊ ရုပ်သံတွေမှာ ကြော်ငြာတွေ ဖော်ပြလာပါတယ်။ သတင်းမီဒီယာသမားတွေကို ဖိတ်ကြားပြီး သတင်းစာရှင်းလင်းပွဲတွေလည်း လုပ်ကြပါတယ်။ နိုင်ငံတကာအဆင့်မီအောင် စင်ကာပူက ပညာရှင်တွေ၊ မလေးရှားကပညာရှင်တွေ ကိုယ်တိုင်လာရောက် အကောင်အထည်ဖော်ကြမယ်လို့ ဆိုပါတယ်။ ကမ္ဘာ့အဆင့်မီအောင် နောက်ဆုံးပေါ် နည်းပညာတွေကို အသုံးပြု
သွားမယ်လို့ ဆိုပါတယ်။

ရွှေနန်းတော် ရွှေဆိုင်ပိုင်ရှင် ဒေါက်တာ အောင်ကျော်ဝင်းက သူအကောင်အထည်ဖော်သွားမယ့် ကွန်ဒိုနဲ့ပတ်သက်ပြီး 'ကိုယ်အပြင်ကနေပြန်လာရင် အခန်းထဲကိုမရောက်ခင် ကားပါကင်ကနေပြီး I Pad နဲ့ ကိုယ့်အခန်းက လိုက်ကာတွေကို ကြိုဖွင့်တာမျိုး၊ Air-Con ကြိုဖွင့်တာမျိုးတွေပါ လုပ်နိုင်မယ့် နည်းပညာတွေ အသုံးပြုသွားပါမယ်။
ငွေကြေးအရ အမြတ်အစွန်း ရတာမျိုးထက် အခန်းဝယ်ယူအားပေးသူတွေ စိတ်ချမ်းသာအောင်ပိုပြီး ဦးစားပေးသွားမှာ ဖြစ်ပါတယ်။ အခန်းဝယ်ယူအားပေးတဲ့ သူတွေကို i pad တစ်လုံးစီ လက်ဆောင်ပေးသွားဖို့လည်း ရှိပါတယ်' လို့ မီဒီယာတွေနဲ့ တွေ့ဆုံတုန်းမှာ ပြောခဲ့ဖူးပါတယ်။ သူတို့ရဲ့ စကားလုံးအသုံး အနှုန်းအရ သူတို့ တည်ဆောက်မယ့် အခန်းတွေဟာ Condo အဆင့်ထက်ပိုပါတယ်။ Residence လို့ စကားလုံး သုံးပါတယ်။ အဆင့်မြင့် ဇိမ်ခံနေထိုင်နိုင်မယ်လို့ ညွှန်းပါတယ်။
ရန်ကုန်မြို့က ကွန်ဒိုအရောင်းအဝယ်ဈေးကို မတင်ပြခင် ငှားရမ်းခနှုန်းထားတွေကို အရင်တင်ပြချင်ပါတယ်။ အနိမ့်ဆုံးကျပ် သိန်းနှစ်ဆယ် ဝန်းကျင်ကနေ ကျပ်သိန်း တစ်ရာနီးပါးအထိ ခေါ်ဈေးရှိတာကိုတွေ့ ရပါတယ်။ အိမ်ခြံမြေ ဝန်ဆောင်မှုလုပ်ငန်း ရှင်များအသင်းရဲ့ ထုတ်ပြန်ချက်တွေအရ သိရတာဖြစ်ပါတယ်။ အဓိက ငှားရမ်းအသုံးပြုကြသူတွေက ပြည်ပလုပ်ငန်းရှင်တွေနဲ့ အဖွဲ့အစည်းတွေဖြစ်ပါတယ်။ အရောင်းအဝယ်ဈေးကတော့ ကျပ် သိန်းနှစ်ထောင် ဝန်းကျင်ကနေ ကျပ် သိန်းတစ်သောင်းကျော် အထိခေါ်ဈေးရှိကြတာကို တွေ့ရပါတယ်။
အိမ်ခြံမြေဈေး ဘာကြောင့်မြင့်
မြန်မာနိုင်ငံရဲ့စီးပွားရေးလည်ပတ်မှုဟာ ငွေကြေး၊ ရွှေ၊ အိမ်ခြံမြေ၊ မော်တော်ကား စတာတွေကို အလဲအထပ်အရောင်းအဝယ်လုပ်ပြီး လည်ပတ်ခဲ့တဲ့ အခြေအနေမျိုး ရှိခဲ့ပါတယ်။ အစိုးရအပြောင်းအလဲဖြစ် ပြီးနောက်ပိုင်းမှာတော့ မော်တော်ကား ဈေးကွက်ကလုံးဝ ပျက်သွားပါတယ်။ ရွှေနဲ့ငွေကြေးက မှန်တန်းသာ ရှိပါတော့တယ်။
ရင်းနှီးမြှုပ်နှံသူတွေ အဓိက မျက်စိကျလာတာက အိမ်ခြံမြေဖြစ်လာပါတယ်။ ဒါကြောင့်သည် အချိန်မှာ အိမ်ခြံမြေဈေးကွက်ဟာ ခိုင်မာမှုအရှိဆုံး ရင်းနှီးမြှုပ်နှံမှုဖြစ်လာတာဖြစ်ပါတယ်။ ရေပန်းစားခိုင်မာမှုနဲ့အတူ ငွေပင်ငွေရင်းကြီးသူတွေရဲ့ ကစားအားကြောင့် အခုလိုခေါင်ခိုက်လာတာဖြစ်တယ်လို့ စီးပွားရေးလေ့လာသူ စာရေးဆရာသန်းစိုး (ဘောဂဗေဒ)က သုံးသပ်ပါတယ်။
'သတင်းစာထဲက မြို့သစ်မြေကွက် ဈေးကောင်းပေးဝယ်တယ်ဆိုတဲ့ ကြော်ငြာတွေဟာ ပိုက်ဘောဖြုတ်တဲ့ အကွက်ဖြစ်ပါတယ်။ ဒလမှာ ကိုရီးယားက တံတားထိုးမယ်၊ စက်မှုဇုန်စီမံကိန်းလုပ်မယ်၊ မြို့သစ်စီမံကိန်းလုပ်မယ် ဆိုတာတွေကလည်း ပိုက်ဘောဖြုတ်ကွက်တွေပဲ ဖြစ်ပါတယ်။ တတ်နိုင်တဲ့ သူတွေက မြို့သစ်မှာ မြေကွက်လေးငါးဆယ် ကွက်ဝယ်ပါတယ်။ ပြန်ရောင်းချင်တဲ့အခါ ဈေးကောင်းရအောင် ကိုယ့်လူနဲ့ ကိုယ်တစ်ကွက်လောက်ကို ဈေးအမြင့်နဲ့ အရောင်းအဝယ်လုပ်ပါတယ်။ အဲဒီအခါမှာ ပတ်ဝန်းကျင်က မြေဈေးတွေပါလိုက်တက်လာပြီး အကုန်လုံး ဈေးအမြင့်ဖြစ်သွားပါတယ်။ သတင်းစာထဲမှာ ကြော်ငြာထည့်တယ်ဆိုတာက ကုန်ကျငွေသောင်းဂဏန်းပဲရှိပါတယ်။ ဒါပေမဲ့ ဈေးကွက်အလှုပ်အရမ်း ဈေးကွက်ကောလာဟလ၊ ဈေးနှုန်း အပြောင်းအလဲက ကြောက်ခမန်းလိလိ မြန်လာပါတယ်။ ဒီအကွက်ကို ငွေထုပ်ကြီးကြီးကိုင်ပြီး အိမ်ခြံမြေ ဝယ်လှောင်ထားသူတွေ လုပ်လေ့ရှိပါတယ်' လို့ ဆရာသန်းစိုးကဆိုပါတယ်။
'မြို့သစ်စီမံကိန်းကို ရပ်ဆိုင်းသင့်တာပဲ။ ဘာလို့လဲဆိုတော့ Location အရ အဲဒီမှာနေတဲ့သူတွေ ဘယ်လမ်းက ထွက်မလဲစဉ်းစား၊ ရေကဘယ်ကရမလဲစဉ်းစား၊ အဲဒီလိုနေရာမျိုးမှာ စီးပွားရေးစက်မှုဇုန်ပဲလုပ် သင့်တယ် လူနည်းနည်းနေပြီး များများဝင်ငွေရတယ်။ မြို့တည်ဖို့စီမံချက်ဆိုရင်တော့ ကန့်ကွက်တယ်။ Industry လုပ်မယ့် ရည်ရွယ်ချက်ဆိုရင်တော့ ထောက်ခံတယ်။ ရန်ကုန်မှာ အားလုံးပြုံတိုးနေတဲ့ ပြဿနာကိုလည်း ဖြေရှင်းနိုင်မယ်' လို့ ဇေကမ္ဘာ ဦးခင်ရွှေက ရပ်ဆိုင်းလိုက်တဲ့ မြို့သစ်စီမံကိန်း အပေါ်သူ့အမြင်ကို ပြောထားပါတယ်။
ဒါတွေက အိမ်ခြံမြေဈေးဘာကြောင့် မြင့်ရတယ်ဆိုတာကို အကြမ်းဖျင်းချဉ်းကပ် ကြည့်တာပဲဖြစ်ပါတယ်။ ဒီထက် ပိုနက်နဲတဲ့ လုပ်နည်းလုပ်ဟန်တွေ၊ ဈေးကစားမှုတွေရှိ နေနိုင်ပါသေးတယ်။ အိမ်ခြံမြေ ဈေးနှုန်းမြင့်ရတဲ့ အခြေအနေမှာ အစိုးရအဖွဲ့ဝင်တွေရဲ့ ပါဝင်ပတ်သက်မှု အပိုင်းကိုလည်း အနည်းငယ်ဆက်လက်တင်ပြချင်ပါသေးတယ်။
အခွန်နှုန်းထား ဘာကြောင့်ကစားကြသလဲ
အစိုးရ အပြောင်းအလဲမဖြစ်ခင် အိမ်ခြံမြေ အရောင်းအဝယ်ခွန်က ၅၀ ရာခိုင်နှုန်းအထိ ရှိခဲ့ပါတယ်။ အစိုးရအပြောင်းအလဲ ဖြစ်ပြီးနောက်ပိုင်းမှာတော့ ၃၅ ရာခိုင်နှုန်း၊ လက်ရှိမှာတော့ မြို့နယ် တည်နေရာအလိုက် ရာခိုင်နှုန်း သတ်မှတ်လိုက်တာမျိုးတွေ ဆင့်ကဲပြောင်းလဲလာပါတယ်။
ဒီအပြောင်းအလဲတွေနဲ့ ပတ်သက်ပြီး မြန်မာ့ဓနမဂ္ဂဇင်း အယ်ဒီတာချုပ် ဦးသီဟစောက 'အရင်အစိုးရ လက်ထက်က သာမန်စီးပွားရေး လုပ်ငန်းရှင်တွေက သူတို့နဲ့ယှဉ်ပြီး အိမ်ခြံမြေဈေး မကစားနိုင်အောင် အခွန်ကို အနိမ့်အမြင့်လုပ်ချင်တိုင်း လုပ်ခဲ့တာဖြစ်တယ်။ အစိုးရလူတွေ ဝယ်ချင်ပြီဆိုရင် အခွန်နှုန်းကို လျှော့ချလိုက်တယ်။သူတို့ရောင်းမယ်ဆိုရင် အခွန်ကိုချက်ချင်း ပဲပြန်တင်လိုက်တယ်။ အဲဒီလိုရှိတယ်' လို့ သုံးသပ်ပါတယ်။ တန်ဖိုးမြင့် မြေကွက်၊ အခန်းတွေကို စိတ်ကြိုက် ခြယ်လှယ်နေကြသူတွေရဲ့ လုပ်ရပ်တွေနဲ့ ပတ်သက်ပြီး AGD ဘဏ်ရဲ့ ဒါရိုက်တာ တစ်ဦးဖြစ်တဲ့ ဦးစိုးသိန်းက 'အိမ်ခန်းတွေ တစ်ခန်းပြီး တစ်ခန်း ဝယ်နေတာပဲ။ ဒီလူတွေပဲ။ သူတို့ ဝင်ငွေရလမ်းကို ပြနိုင်ရမယ်။ နိုင်ငံတော်ကို အခွန်ဆောင်ရမယ်။ ဒီအတွက် ပွင့်လင်းမြင်သာမှု ရှိရမယ်။ ပွင့်လင်းမြင်သာမှု ရှိဖို့ဆိုတာက တာဝန်ခံမှုရှိရမယ်။ နောက်တစ်ခုက ရိုးသားမှုရှိဖို့လိုတယ်။ ကိုးရီးယားမှာ ဖယ်ရီကားမှောက်တယ်။ ဘာဆိုင်လို့ ဝန်ကြီးချုပ်က အလုပ်ထွက်ဖို့ စီစဉ်တာလဲ။ အဲဒါ တာဝန်ယူမှုပဲ။ ဒီမှာ ကိုယ်လုပ်တဲ့ လုပ်ငန်းကြီး တစ်ခုလုံး ဆုံးရှုံးသွားတယ်။ ဘယ်သူ တာဝန်ယူလဲ။ ၁၉၇၀ ကတည်းက
နိုင်ငံတစ်နိုင်ငံလို့က ချေးငွေတွေနဲ့ ပတ်သက်တဲ့ စာရင်းတွေ ကျွန်တော့် လက်ထဲမှာ ရှိတယ်။ အဲဒီထဲက မအောင်မြင်တဲ့ လုပ်ငန်းတွေ ဆွဲထုတ်ပြစရာ အများကြီးရှိတယ်။ အဲဒီလိုပြောရရင် ဘယ်လောက် အလွဲသုံးစားဖြစ်ခဲ့တယ်။ ဘယ်လောက်ရှုံးခဲ့တယ် ဆိုတာကို ပြောပါဆိုရင် ကျွန်တော် မြန်မာပြည်မြေပုံနဲ့ စီမံကိန်းနာမည်နဲ့ ထောက်ပြမယ်။ သဘောတရားပြောတာ ရှင်းရဲ့လား။ ဒီလိုပဲ အမှားမှား အယွင်းယွင်းတွေ လုပ်လာတယ်။ နိုင်ငံတော်က ဘီလျံချီ ဆုံးရှုံးသွားတယ်။ ဒါပေမဲ့ ဘယ်ဝန်ကြီး အရေးယူလိုက်တယ် ဆိုတာရှိသလဲ။ အဲဒီလို တာဝန်ယူမှု မရှိသရွေ့ ပွင့်လင်းမြင်သာမှု ဘယ်တော့မှမရဘူး' လို့ သုံးသပ်ထားပါတယ်။
နိုင်ငံတော်ဘဏ္ဍာငွေကို အလွဲသုံးစား မလုပ်ကြဖို့
လွန်ခဲ့တဲ့ အခြေအနေတွေကို ပြန်ဖော်ထုတ်ဖို့ထက် ရှေ့ဆက်ခရီးမှာ ပြည်သူတွေ သက်သောင့်သက်သာရှိမယ့် လမ်းကိုချဉ်း ကပ်နိုင်ဖို့က ပိုအရေးပါမယ်လို့ ယူဆချင်စရာ ရှိပါတယ်။ ရှေ့ဆက်သွားမယ့် ခရီးအတွက် ဦးစိုးသိန်းက 'ပွင့်လင်းမြင်သာမှုကနေ ဘာအကျိုးတွေ ရနိုင်သလဲဆိုတာက စိတ်ဝင်စားဖို့ကောင်းတယ်။ ခင်ဗျား ချပြရတော့မယ်ဆိုရင် ခင်ဗျားကောင်းကောင်း လုပ်တော့မယ်။ ဘာလို့ မှားယွင်းခဲ့သလဲဆိုရင် ဘယ်သူ့မှ ပြစရာမလိုဘူး။ ဘယ်သူ့မှ ဂရုစိုက်စရာ မလိုဘူး။ လုပ်ချင်တာလုပ် လာမမေးနဲ့။ ဒီလိုချပြစရာမှမလိုတာ ပွင့်လင်းမြင်သာမှုမှ ပေးစရာမလိုဘဲ ထင်ရာလုပ်တာပေါ့။ ပွင့်လင်းမြင်သာမှုမရှိရင် တာဝန်ယူမှုက ပျောက်သွားမှာပဲ။ ဒါကအပြန်အလှန် ဆက်သွယ်နေတာပါပဲ။ ဒါတွေရှိမှ လူသန်းငါးဆယ်အတွက် အရင်းအမြစ်ခွဲဝေနိုင်မယ်။ ချမ်းသာတဲ့လူ၊ ဆင်းရဲတဲ့သူ၊ လူလတ်တန်းစား၊ အရမ်းဆင်းရဲတဲ့ သူတွေရှိတယ်။ အဲဒီလူတွေရဲ့လိုအပ်ချက်က တစ်ယောက်နဲ့တစ်
ယောက်မတူဘူး' လို့ သုံးသပ်ပါတယ်။

လွှတ်တော်ထဲမှာ အမတ်တွေဝေဖန်နေတဲ့ နိုင်ငံတော်ဘဏ္ဍာငွေအရ အသုံးစာရင်းတွေဟာ ပြည်သူတွေရဲ့ ဆင်းရဲချမ်းသာကွာဟမှုကိုဖော်ပြနေတဲ့ အချက်အလက်တွေပဲ ဖြစ်ပါတယ်။ ဒီအချက်အလက်တွေ ပွင့်လင်းမြင်သာမှုရှိဖို့ ပြည်ထောင်စု၏ ဘဏ္ဍာငွေအရ အသုံးဆိုင်ရာ ဥပဒေဟာ အလွန်အရေးကြီးပါတယ်။ အဲဒီလိုအရေးကြီးတဲ့ ဥပဒေကို အခု ၂၀၁၄ ခုနှစ် မတ်လ ၂၈ ရက်နေ့ကမှ ပြည်ထောင်စု လွှတ်တော်က ပြဋ္ဌာန်းနိုင်ခဲ့ပါတယ်။ အဲဒီဥပဒေပါ ပြဋ္ဌာန်းချက်တွေဟာလည်း ၂၀၁၄-၁၅ ဘဏ္ဍာရေးနှစ်အတွက် ဧပြီ ၁ ရက်ကမှ စတင် အကျိုးသက်ရောက်ခဲ့တာ ဖြစ်ပါတယ်။ ရှေ့ဆက်ခရီးကတော့ နည်းနည်းပိုကောင်းလာမလား မျှော်လင့်ချင်စရာပါ။ နိုင်ငံရေးသမားတွေနဲ့ စီးပွားရေးသမားတွေရဲ့ အားပြိုင်မှုအောက်မှာ အခြေခံပြည်သူတွေ ဘယ်လို နေထိုင်ကြရသလဲဆိုတာ ဆက်လက်စောင့်ကြည့်ရဦးမှာပါ။
ဘယ်အိမ်ဝယ်မလဲ၊ ဘယ်နေရာနေမလဲ
ရန်ကုန်မြို့မှာ လူဦးရေ မြင့်တက်လာမှုနဲ့အတူ နေရေးလိုအပ်ချက်ဟာလည်း ကြီးမားလာပါတယ။် ငှားရမ်း နေထိုင်ဖို့အတွက်ကို ခက်ခက်ခဲခဲရုန်းကန်နေရသူတွေ အများကြီးရှိနေပါတယ်။
စမ်းချောင်းမြို့နယ်၊ ရန်ကင်း ရန်ရှင်းလမ်းမှာ နေထိုင်တဲ့ ကိုအေးကိုကိုက 'အပေါ်ထပ်အခန်းကို တစ်လ ရှစ်သောင်းကျပ်နဲ့ ငှားနေလာတာ တစ်နှစ်ကျော်ပြီ။ အခု ဒီသီတင်းကျွတ်လို့ရှိရင် ဆင်းပေးရတော့မယ်။ အိမ်ပိုင်ရှင်က ကန်ထရိုက်ကို တိုက်ခန်းဆောက်ဖို့ ပေးလိုက်ပြီ။ ထမင်းကို ဘယ်လိုပဲ စားရစားရ။ အလုပ်ကို ဘယ်လိုပဲ လုပ်ရလုပ်ရ။ ကိုယ်ပိုင် နေစရာလေး တစ်ခုနဲ့တော့ နေချင်တာပေါ့။ ဒီလုပ်အား။ ဒီဝင်ငွေလောက်နဲ့တော့ အိပ်မက်တောင် မမက်ရဲပါဘူးဗျာ။ နောက်ထပ် နေစရာတစ်ခု ရှာရတော့မယ်။ ပွဲစားတွေနဲ့ စကားပြောရတော့မယ်။ သန့်သန့်ရှင်းရှင်းလေးနဲ့ နေလို့ ထိုင်လို့ရဖို့ နေရာတစ်ခုကို ရှာတွေ့ဖို့ဆိုတာလည်း လွယ်တာမဟုတ်ဘူး။ စမ်းချောင်းက နေနောက်မြို့နယ်ကို ပြောင်းနေဖို့ ဆိုပြန်တော့လည်း သမီးပညာရေးရှိ သေးတယ်။ သမီးက ၃ တန်း။
တခြားမြို့နယ်မှာ သွားနေလိုက်ရင် ကလေးပညာရေး ထိခိုက်သွားမယ်။ ကျွန်တော်တို့ လက်ရှိအခြေနေနဲ့ ဆိုရက်တော့ ဘယ်မှာနေမယ်။ ဘယ်အိမ်ဝယ်မယ်ဆိုတာထက် ငှားနေဖို့အတွက်တောင် မလွယ်ကူတဲ့ ဘဝပါ' လို့ ဆိုပါတယ်။
ဒဂုံဆိပ်ကမ်းမြို့နယ်၊ ယုဇနဥယျာဉ်မြို့တော်၊ ၅ လမ်း (ဗ) မှာနေထိုင်သူ မခင်မို့မို့ကလည်း 'သမီးတို့ ဒီမှာနေလာတာ ၈ နှစ်လောက်ရှိပြီ။ အရင်တုန်းကတော့ ယုဇနဆိုရင် လူတွေအထင်သေးကြတာပေါ့။ တက္ကစီသမားဆိုလည်း မလိုက်ချင်ကြဘူး။ လူတွေကလည်း အငယ်လေးတို့ရွာ ဘာညာပြောကြတာပေါ့လေ။ အခုကတော့ ဒီမှာ ဆင်းရဲ၊ ချမ်းသာအားလုံးနေလာကြပါပြီ။ မြို့ထဲမှာလို လူမထူထပ်တော့ နေရတာ အသက်ရူချောင်တယ်ပေါ့။
ဒီမှာနေလာတာ ကြာပြီဆိုတော့ မြို့ထဲမှာ နေလို့ထိုင်လို့ မရတော့ဘူး။ တစ်ခုရှိတာက ဒီမှာရေတော့ လုံးဝမကောင်းဘူး။ အနီရောင်တွေသန်းပြီး ရေကသုံးလို့ အဆင်မပြေဘူး။ မီးကတော့ ပုံမှန်ပဲ။ နောက်ပြီး သွားရေးလာရေး ကားအရမ်းကျပ်တယ်။ ကျန်းမာရေးနဲ့ ပတ်သက်လာရင်တော့ အခက်အခဲတွေဖြစ်တယ်၊
ဆေးရုံဆေးခန်းတွေ ကောင်းကောင်းမရှိဘူး။ ဘယ်မှာနေမှာလဲ။ ဘယ်အိမ်ဝယ်မှာ လဲဆိုတော့ ဒီမှာပဲနေနေရဦးမှာပေါ့' လို့ဆိုပါတယ်။

စီးပွားရေးပညာရှင် ဦးလှမောင်က ရန်ကုန်မြို့ရဲ့ အခြေအနေကို 'လူဦးရေ လေးသန်း၊ ငါးသန်း အထက်ဆိုရင် မက်ထရိုပိုလီတန်စီးတီးလို့ ခေါ်ကြတယ်။ လူဦးရေ ဆယ်သန်းအထက် ကျော်သွားရင်တော့ မက်ဂါစီးတီးလို့ပဲ အတိုကောက် ခေါ်ကြတာပေါ့။ ရန်ကုန်မြို့ဟာ မဟာရန်ကုန်မြို့တော်ကြီး ဖြစ်သွားပြီ။ ဒီလောက် လူဦးရေများတဲ့ မြို့တော်ကြီး၊ မြို့တော်ရဲ့စုပ်ယူအား၊ လက်ခံနိုင်တဲ့ စွမ်းအား၊ လာအောင်ဆွဲဆောင်နိုင်တဲ့ စွမ်းအား၊ နယ်တွေကနေပြီးတော့ မှုတ်အားနဲ့ တွန်းပို့လိုက်တဲ့ Public Power ကြောင့် လူတွေက ရန်ကုန်ကို တိုးလာတယ်' လို့ဆိုပါတယ်။ သူပြောသလို တိုးလာတဲ့ လူဦးရေနဲ့အတူ၊ မိချောင်းကန် သပိတ်စခန်းက ပြည်သူတွေလို မြေအသိမ်းခံရသူတွေ ဆိုတာကလည်း အစိုးရအပြောင်းအလဲ စဖြစ်ကတည်းက တောက်လျှောက်ဆန္ဒပြကြတာများလွန်းလို့
အကုန်လုံးကိုတောင် မမှတ်မိတော့ပါဘူး။ အခြေခံ ပြည်သူတွေအတွက်တော့ ဘယ်အိမ်ဝယ်မလဲ၊ ဘယ်နေရာ နေမလဲဆိုတဲ့ မေးခွန်းဟာ အဖြေရခက်တဲ့ မေးခွန်းသာ ဖြစ်နေရပါကြောင်း။

Ref;mizimaburmese

No comments:

*** လာလည်သောအပေါင်းအသင်းများ မိမိ ASN GROUP ONLINE SHOP ကနေ သင်တို့အလိုရှိသောပစ္စည်းများကို ရှာဖွေပြီး ORDER မှာလို့ရနေပါပြီ ***

ASNGROUP WAREHOUSE DEALS DEEPS DISCOUNT!